Anno incarnationis Dominice hoctingentesimo IIII, venit quidam vir nomine Bodo in Matisconense, ante domno et venerabile Geiraldo presule, petens ei aliquid de res proprietatis Sancti Vincenti subjectas Sancta Maria in precaria, qui ipsas resedunt in pago Madisconense, in agro Marciacense, in villa Colonicas; qui curtilus abet terminationes ad mane via publica, ad medium diem, ad sero et ad cercio terra Avane. Infra istas terminaciones quidquid ad ipso curtilo aspiciunt vel aspicere videntur, hoc sunt campis, pratis, cum arboribus et omnibus adjacenciis, tibi et fratri tuo Rodberto, et unum de infantibus vestris, concedimus in precaria, ad meliorandum, et alias res que vos ibidem adquisitas habetis vel inantea adquirere potueritis, ad actores Sancti Vincentii perveniant; ea tenore conscribimus vel firmamus, et per singulos annos festivitate Sancta Maria denarios VIII persolvatis, et, si inde neglegentes fueritis, cum lege restauretis. Oport[un]um vobis est ut per quinquennium renovemini. Geraldus peccator et humilis episcopus subscripsit. Bernardus prepositus subscripsit. Ardradus decanus subscripsit. Waninus subscripsit. Aienartdus presbiter subscripsit. Petrus presbiter subscripsit. Gebardus presbiter scripsit et subscripsit, datavit die dominico, mense madio, anno [I] Karolo rege.