In nomine sancte et individue Trinitatis. Notum sit omnibus in Christo renatis, quia ego Geraldus, sancte Matiscensis ecclesie humilis presul, morem antiquorum nostrorum decessorum sequens, secundum romane legis sanctionem, una cum consilio nostrorum canonicorum, renovare decrevimus prestariam quam Bodoni venerabili viro olim fecimus, de alode quem Leutaldus pro remedio animæ patris sui Sancto Vincentio dedit. Censuimus itaque et rectum vidimus quatinus pro beneficio istius allodi, annis singulis, [ad] festivitatem almi Vincentii martiris, XX denarios canonicis predicti martiris absque ulla detrectatione persolvere conatur. Et ut hæc prestaria a nobis renovata manere possit inconvulsa, manu propria eam subterfirmavimus et canonicis nostris corroborandam censuimus. Geraldus peccator et humilis episcopus. Berardus prepositus. Waninus harchidiaconus. S. Baldricus subscripsit. Adalbertus presbiter subscripsit. Ainardus presbiter. Petrus presbiter. Fulqualdus levita. Ivo presbiter. Berno levita. Maymbodus subdiaconus scripsi et datavi VII idus aprilis, anno X regnante Karolo rege.