Domino ac consanguineo meo nomine Artaldo, ego, in Dei nomine, Bradincus, pro amore et bona voluntate quam circa te habeo, dono tibi quasdam res meas quę sunt sitę in pago Augustidunense; hoc est capellam quę est in honore Sancti Victoris consecrata, et in Aljoc vocatur. Hanc ergo tibi trado atque transfundo cum omnibus quę ad ipsam pertinent, terris scilicet, curtilis, vineis, pratis, silvis, aquis, cum oblationibus fidelium quę ibi veniunt, et insuper quicquid ad ipsam jure pertinere videntur. Eo tamen tenore ut dum advixeris teneas, et post discessum tuum pro animabus nostris ac parentum nostrorum ad Sanctum Petrum Cluniensis monasterii perveniat. Actum Moncesco villa. S. Brandici, qui fieri jussit. S. Beraldi clerici, Robaldi, Wigonis, Arluini, Rotstagni, Albuini, Josmari, item Brandici, Giperi, Widonis. Data mense aprili, Karolo rege regnante. Aymo scripsit.