Charta qua Æva res suas in villis Tordoniaco et Moxiaco monasterio Cluniacensi dat.
Pietas misericordissimę divinitatis compaciens humanę infirmitati, concedit unicuique suorum fidelium quatenus ex rebus sibi concessis ab auctore bonorum omnium valeant sibi mercari perpetuum regnum. Quapropter ego, in Dei nomine, Æva, precepti illius dominici memor quo dicit suis fidelibus ut suis animabus indeficientem thesaurizent thesaurum in celis, dono Deo et sanctis ejus Petro et Paulo apostolis, ad locum Cluniacum, ex rebus quę mihi jure hereditario obvenerunt, omnem videlicet meam partem quam videor habere in villis quę sunt in pago Viennensi sitę, quarum hęc nomina sunt: Tordoniacus et Moxiacus. In istis denominatis villis dono ad supradictum locum, ex hiis quę cum fratribus et sororibus habere videor meis, partem quę pertinet mihi, in tali conventu, ut habitatores Cluniacensis cenobii pro superius denominatis rebus in vestitura mansum ubi Witbertus
stare videtur cum omnibus ad se pertinentibus a die hodierno teneant; ego vero quamdiu vixero de ipsis rebus, quas in jam dictis villis habeo, vestita permaneam; post meum vero discessum de seculo, quicquid eis placuerit faciant. Hanc vero cartam facio pro animę meę et animę filii mei Petri, animarum quoque fratrum et sororum et omnium parentum meorum remedio, quatenus omnipotens Deus faciat nos cum suis sanctis participes esse in suo regno. S. Æve et Petri, filii ejus, qui hanc cartam fieri et firmari rogaverunt. S. Wigonis et Oddonis, filiorum ejusdem. S. Helisabet, sororis ejus. S. Ascherici, filii ejus. S. Eustorgii et Riconis fratrum.