In nomine Verbi incarnati. Sit notum cunctis sanctę Dei ecclesię fidelibus quod ego Aremburgis, pro remedio animę meę, dono Deo et sanctis ejus apostolis Petro et Paulo, ad locum Cluniacum, in villa Fontanedo, ancillam quandam, Ingelbergam nomine, cum omnibus infantibus suis, uxorem Undradi. Hanc autem donationem facio pro remedio animę meę, pro anima quoque patris mei et matris meę redemptione, et pro anima senioris mei Rothberti et senioris mei Jotceranni salute, pace et prosperitate, et filiorum meorum Dalmatii, Bertranni. Si quis autem hunc donum calumpniare voluerit, iram Dei ac omnium sanctorum incurrat, et ut hoc donum firmum permaneat, manu propria firmo, filiisque meis trado firmandam. S. Aremburgis, quę hoc donum fecit. S. Dalmatii. S. Bertranni.