Redemptor humani generis providens nostrę saluti de terrenis et transitoriis cęlestia et æterna mercari, dicens: «Facite vobis amicos de mamona iniquitatis, qui vos introducant ad gaudia ęternę felicitatis.» Quod ego Eva, in extremis vitę posita, animo perpendens et enormitatem meorum peccaminum expavescens, dono Deo et sanctis apostolis Petro et Paulo, ad locum Cluniacum, pro remedio animę meę, unum mansum qui est situs in pago Matisconense, in villa Maxiliaco, cum servo Adalgrimo et uxore sua Rotlenda, et infantibus eorum, qui in prefato manso habitant; terminat autem a mane fonte, a medio die terra Sancti Marcelli, a sero via publica, a cercio terra Adalelmi, de ipsa hereditate. Dono etiam in ipsa villa, in alio loco, terciam partem unius prati quod est subtus Rocam. Dono in ipsa villa terciam partem unius condaminę, quę terminat a mane, a medio die et a sero viis publicis, a cercio terra Sancti Marcelli. Facio autem hanc donationem pro remedio animę meę, ut Dominus pro sua pietate, intercedentibus sanctis apostolis Petro et Paulo, concedere mihi dignetur veniam peccatorum meorum. Si quis autem huic nostrę donationis cartę contradicere voluerit, omnibus maledictionibus subjaceat, et in fisco publico auri libras XV componat. S. Evę, quę hanc donationem fieri firmarique precepit. S. Albuini, in cujus presentia hęc donatio fuit facta. S. Drogonis. S. Gauceranni. S. Siguini S. Aremberti. S. Theutbaldi. S. Bertradi. S. Hildrici.