In nomine Verbi incarnati. Noverint cuncti, tam presentes quam futuri, quod ego Isembaldus presbiter facio donationem Domino Deo et sanctis ejus apostolis Petro et Paulo, ad locum Cluniacum, et de me ipso, et de omnibus meis quę juste possideo, ut ipsi apostoli sint mihi boni advocati in die ultimi judicii, quatinus in nullo adversum me pars iniqua possit prevalere. Dono vero in presenti unum curtilem in villa Orodo, qui terminat a mane terra Letaldi et Bernardi, a tercia via publica, a nona terra Amalberti, a sero terra Avane. In alio loco unum campum de tribus sextariis, qui terminat a mane terra communali, a medio die de ipsa hereditate, a nona de Monte Elene. In alio loco campum de uno modio, a mane terra Sancti Saturnini, a medio die gutta current, a sero via publica. In alio loco unam vineam quę terminat a mane et a sero de ipsa hereditate, a tercia de Monte Helene, a medio die Letaldi et Bernardi. Item in alio loco alteram vineam quę terminat de omnibus partibus de ipsa hereditate. In alio loco terciam partem unius peciolę de prato. Facio hanc donationem libenti animo; et ut firma sit, manu propria firmo, testibusque firmare rogo. S. Isembardi presbiteri, qui dedit. S. matris ejus Dodę. S. fratris ejus Arnulfi.