Charta qua Durannus dat monasterio Cluniacensi mansum in villa Varengo.
In nomine Verbi incarnati. Notum sit omnibus quod ego Durannus dono Deo et Sancto Petro aliquid de mea hereditate quę sita est in villa Varengo: hoc est unum mansum cujus medietatem teneo de Sancto Petro, alia medietas est mea hereditas, quam dono Sancto Petro, ubicunque de ipsa terra aliquid fuerit, totum ad integrum dono, et in Curte Franconi totam meam partem quam ibi habeo.