Bencilina sanctimonialis, filia Adalardi de Li, donavit Deo et sanctis Petro et Paulo apostolis, monachisque Cluniaco Deo servientibus, servum nomine Adraldum, et progeniem quę de illo exierit, ut serviant in ipso loco Cluniaco quamdiu vixerint, pro remedio animę meæ. Et si ullus homo est de heredibus meis qui hunc servum vel suam generationem, quę de illo exierit, abstraere voluerit Deo et sancto Petro, ex parte Dei omnipotentis et Filii et Spiritus Sancti, et Sanctæ Marię, matris Domini nostri Jhesu Christi, et sancti Petri apostoli, et omnium sanctorum Dei, sit excommunicatus et apostata die ac nocte, nisi vivens illum dimittat. Ego Bencilina, Deo devota, firmavi hos apices ante discessum meum per bonam voluntatem, ut Deus meus omnipotens eripiat me de poenis inferni et de peccatis meis dignetur minuere.