CCE: cartae cluniacenses electronicae
Database of the Charters of the abbey of Cluny (802-1300)

BB 0196     View  [Back]
Charta qua Adalgisus res suas in villa Masiliaco monasterio Cluniacensi dat.
Sacrosanctæ æclesiæ sanctorum apostolorum Petri et Pauli, quę construitur in pago Matisconensi, in villa Cluniaco, quod venerabilis abbas Berno ad regendum habere videtur, ego Adalgisus, cogitans casum humane fragilitatis, pro remedio anime meæ et pro eterna retributione, dono aliquid de rebus meis, quę sunt sitę in pago Matisconensi, in agro Masiliacensi, in ipsa villa Masiliaco; hoc est curtile cum casa et arboribus; terminat a mane et medio die via publica, a sero et cercio rivo procurrente. Dono et campum unum in ipsa villa, qui terminat a mane et a medio die via publica, a sero ad terram Undran et Evrart, a cercio ad murum. Dono etiam in ipsa villa pratum unum quod per cartam de Adalgiso et Williberto et Ingelere conquisivi; terminat a mane Graunna volvente, a medio die de terram Sancti Vincentii et Evrat, a sero ad terram Undrant et Sancti Vincentii et Breiens et Sancti Marcelli, a cercio pacorio. Infra istas terminationes totum ad integrum dono jam dicte ęcclesię pro redemptione anime meæ. Si alicui homini vendere, donare vel scammiare voluerint rectores monasterii, ad heredes meos perveniat. Si quis hanc donationem vel ego ipse, aut aliquis de heredibus meis, vel aliqua intromissa persona contradicere et calumniare voluerit, non valeat vendicare quod repetit, sed fisco auri libras IIas inferat, et hec donatio firma et stabilis permaneat. Actum Matisconi publice, anno XVIImo regnante Karolo rege. S. Adalgisi, qui hoc donum fecit et firmari rogavit. S. Gunduldi. S. Leutbaldi. S. Leotaldi. S. Modoeni. S. Ingenulfi. S. Asusi. S. Freconis. Data die idus aprilis.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung