CCE: cartae cluniacenses electronicae
Database of the Charters of the abbey of Cluny (802-1300)

BB 0245     View  [Back]
Præceptum Ludovici imperatoris, quo confert Bono, fideli suo, curtilum cum vineola in villa Crottis.
In nomine Dei eterni et Salvatoris nostri Jhesu Christi. Ludvicus, gracia Dei imperator augustus. Aurem pietatis nostre precibus libenter acomodare, eosque studiose, more predecessorum nostrorum, perficere quatinus per eos valeamus Dominum propicium abere. Idcirco noverit omnium fidelium sanctę Dei ecclesię nostrorumque, presencium scilicet ac futurorum industria, quoniam devote nobis cernui fideles nostri, filii videlicet Albuini, Aymo scilicet, Vuarinus et Berengarius, ultronea donacione contulerunt excellencie magestatis nostre curtilum cum vineola sue possessionis consistentem in comitatu Lucdunensi, in villa quæ nuncupatur Crottis; subpliciter postulantes, ut quia omnia circumjacencia eidem curtilo auctoritate precepti nostri quidam fidelis noster, qui nuncupatur Bonus, longo jam tempore possidet, prefatum curtilum parili tenore nostre preceptionis ei conferre dignaremur, ut absque qualibet intercepcione alicujusve contradiccione, {corr: contradictione} sub omni integritate amodo vigore obtineat nostre eximietatis. Quorum precibus libenter assensum prebentes, hoc preceptum nostre serenitatis eidem fieri jussimus, per quod integerrime eidem Bonettus omnia prememorata possideat; et ut hec nostra largicio inconvulsionis obtineat vigorem, monogramate proprii nominis subterfirmavimus et anuli nostri impressione insigniri jussimus. Signum [Ludvici], piissimi imperatoris augusti. Helias, gracia Dei umilis diaconus, ad vicem Alexandri, archicancellarii, recognovit. Actum Vienne publice, anno ab incarnacione Domini nostri Jesu Christi DCCCCXXIIII, anno XXIII imperii Luduwici serenissimi augusti.
(Au dos:) Ludvicus, imperator. Albuini. Aymo. Warino. - Preceptum Ludovici in villa Crotis, in comitatu Lugdunense.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung