Charta qua Leutbaldus mansum in villa Prisciaco monasterio Cluniacensi dat.
Ego, in Dei nomine, Leutbaldus, pro remedio animę meæ et omnium parentum meorum, et senioris mei, et cunctis amicis meis, pro Avane quoque et omnibus christianis, vivis et defunctis, dono mansum unum ad æcclesiam Sancti Petri Cluniacensem, qui est situs in pago Matiscense, in agro Versiacense, in villa Prisciaco; terminat
a mane terra Sanctæ Mariæ, a medio die ipsius donatoris, a sero et a cercio terra Sanctæ Mariæ; quicquid ad ipsum mansum attinet, cum servo supermanente, nomine Amalberto et uxore sua et infantibus suis. Si quis ergo huic donationi calumpniam inferre presumpserit, fisco unciam auri coactus exsolvat; et hęc donatio in postmodum firma permaneat, cum stipulatione subnixa. S. Leutbaldi, qui fieri et firmare rogavit. S. Aldulfi et Arnulfi. Ego Araldus scripsi die lunis, mense junio, anno II
o regnante Rodulfo rege.