Non mediocriter observanda Redemtoris nostri ratio intonat assidue, jubens omnibus presentis ævi facultates possidentibus cœlestem sibi tesaurum adquirere, ubi nec erugo quicquam nec tinea conrodendo potest nil consumere, sed cuncta manent integra ac jocunda, fulta divina pietate. Ideo ego Rodbertus notum esse cupio omnibus christicolis, quod dono Deo et beato Petro ac Paulo, sanctis ejus apostolis, necnon et ad locum Cluniacum, omnem hereditatem meam, quicquid in villa Pressiacense nunc usque visus sum possidere, simul et in aliis omnino locis, campis, pratis, silvis, pascuis, vineis, aquis aquarumque decursibus, totum et integrum perpetualiter possidendum trado. Ego vero Alo, frater Rodberti, qui suprascriptam donationem facit, simili modo dono partem quam habeo in silvam que dicitur Cambous. Terminat vero de una parte terra Sancti Martini usque ad decurrentem rivum et de alia ipsa hereditate. Si quis hanc donationem calumniare temptaverit, anathema sit. S. Rodberti. S. Alonis. S. Godulrici. S. Adalelmi. S. Bernardi.