In Dei nomine, ego Girbaldus et uxor mea, Natalia nomine, donamus Deo et beato Petro vineam unam in Marcasolio villa sitam, quam Girardus del Maso dedit matri meę in filiolatu, quam et mater mea dedit mihi. Terminatur a mane terra Bernardi, a medio die gutta currente, a sero terra Sancti Petri, a circio via publica; eo scilicet tenore ut, quamdiu mihi vita comes fuerit, teneam, possideam, et singulis annis unum sextarium vini in vestitura, pro animabus omnium parentum meorum; post discessum vero meum, ejusdem loci rectores quidquid illis visum fuerit de ea, nemine contradicente, faciant. S. Girbaldi. S. Raimbaldi.