In nomine Verbi incarnati. Notum sit cunctis christianis quod ego Deodatus, pro animę meę remedio, dono Deo et Sancto Petro, ad locum Cluniacum, de mea hereditate quę est sita in pago Matisconense, in villa Besorniaco, hoc est unum campum; terminatur de duabus partibus terra Sancti Petri, ex alia rivulo currente. In alio loco etiam unam medietatem de uno curtilo qui est inter me et fratrem meum dono; terminatur ex tribus partibus via publica, a quarta parte terra Drubaldi. Dono etiam unum mansum cum una vinea et cum mansione quę in eo est; qui terminatur a duabus partibus terra Sancti Petri, ab alia de hereditate. S. Aquilini. S. Aalardi. S. Bernardi. S. Deodati, qui hanc cartam fieri firmarique rogavit.