Cunctis notum fieri volumus, quod ego Letardus et uxor mea, nomine Aldegardis, donamus Deo et sanctis ejus apostolis Petro et Paulo, atque loco Cluniaco, aliquid ex rebus meis, quę sunt sitę in pago Matisconense, in villa Arpaieu, hoc est vinea, curtilus. Terminatur undique terra Sancti Petri. Quicquid infra illos fines continetur, apostolis concedimus, eo scilicet pacto, ut quandiu vixerimus teneamus, et omni anno in vestitura sextaria IIII persolvamus; post obitum nostrum ad predictum locum revertantur. Actum Cluniaco publice. S. Letardi et uxoris suę, nomine Aldegardis, qui fieri et firmare rogaverunt. S. Ingelberti. S. Adelmi. S. Constantii. S. Gausberti. S. Bertaldi. S. Leotardi. S. Isnardi.