Charta qua Adalelmus vineam in villa Seonio monasterio Cluniacensi dat.
Sacrosancto monasterio Sancti Petri de Cluniaco, ego Adelelmus dono vineam unam in pago Matisconensi, in fine Domziaci, in villa ubi in Seonio vocant. Hęc vinea terminatur de uno latere terra germani mei Eldegrini, de alio latere et una fronte terra Ersendis, de alio latere via publica. Habet in longo perticas X et dimidiam, in lato perticas VII et pedes III, deversus viam publicam perticas VII. Infra istas terminationes, partem et portionem meam totam ex integro dono ad predictam casam Dei, res meas videlicet in vineis, in campis, in pratis, pro redemptione animę męę, preter illum curtilum quem ad Sanctum Nicetum habeo cum germano meo, ad opus suum; reliqua, sicut predictum est, ab hac die usque in perpetuum ex dono meo monachi de Cluniaco possideant. Actum Domziaci villa. S. Adalelmi, qui donationem istam fecit et firmari rogavit. S. Eldegrini, fratris sui. S. Ratbaldi et Berengerii et Rotberti. Ego Deodatus rogatus scripsi et datavi die dominico, mense augusto, anno IIII regnante Ludovico rege.