Divina pietate et legitima auctoritate sanccitum est ut, si quis de rebus suis aliquid in elemosinam Deo et sanctis ejus conferre voluerit, liberam habeat potestatem consequenter implere. Quapropter ego Gozeldis, considerans illud evangelicum: «Date et dabitur vobis,» simulque pertimescens purpurati divitis detrimentum, qui, promicis {corr: pro micis} panum quas ulceroso Lazaro negavit, stillam aquę in inferno desideravit ardens, ad monasterium Cluniacum Sancti Petri, cui domnus Aymardus abbas preest, dono et offero vineam unam cum curtilo qui est in agro Fenestrago, in villa Noglas; terminaturque a mane terra Tetmari, a meridie terra Sendeleni, ad occidentem terra Gerilli, ad aquilonem via publica. Ipsam vineam et curtilum dono sancto Petro ad locum Cluniacum, cum mancipiis his nominibus: primus Ariocdus cum uxore sua et liberis IIII, Jobertus cum uxore sua et liberis V. Et unum campum dono in ipsa villa Noglas, qui terminatur a mane terra Ingelberti, a meridie terra Vuillonis, a sero terra Bodonis, a circio terra Arloeni. Infra istas terminationes, totum, vineam scilicet et curtilum et campum, cum denominatis mancipiis, dono et offero ad jam dictum locum Cluniacum, ea scilicet ratione, ut quandiu vixero usumfructuarium ex his habeam, et per singulos annos, in festivitate sancti Martini, pro investitura, sextarios VIII de vino persolvam. Post obitum autem meum, totum in pace de[ve]niat ad jam dictum locum. Si quis de heredibus vel posteris meis, aut alius quilibet homo, donationem istam contradicere vel calumpniari temptaverit, ad id posse non habeat, et insuper IIII libras de auro componat, et donatio hęc firma permaneat, cum stipulatione subnixa. Actum Cluniaco. S. Gozceldis, quę donationem istam fecit, et per cartam firmari rogavit. S. Arnoldi. S. Tediti. S. Drotboldi. S. Behildi. Tetgerius rogatus scripsit, datavit die lunis, III kal. marcii, anno V^o regnante Ludovico rege.