Sacrosancte ecclesię Sancti Petri Cluniaco constructę et humili abbati Aimardo cum ceteris mo[na]chis. Ego Gulbertus et Arnulfus vendimus vobis pratum qui est in pago Matisconense, in agro Galoniacense, subtus Montelio; qui terminat a mane terra Sancti Petri, a media die terra Anseisi, a sero Otbergienę, a circio Sancti Petri. Infra istas terminationes, totum ad integrum, et accepimus pretium valente denarios viginti, ut faciatis quicquid facere volueritis. Si quis contradicere voluerit, auri unciam unam componat, et firma permaneat, cum stipulatione subnixa. Actum Galoniaco publice. S. Gulberti et Arnulfi, qui venditionem istam firmare rogaverunt. S. Vuandaldrodi. S. Tetardi. S. Raimberti. Ego Johannes scripsi, datavi die mercurii, mense junio, anno VII regnante Ludovico rege.