Charta qua Guntoldus vendit monasterio Cluniacensi vineam in villa Pradilis.
In nomine Verbi incarnati. Ego Guntoldus vendo unam vineam quę est sita in pago Matisconensi, in villa Pradilis, monachis Sancti Petri, X solidos et dimidium. Habet in longum ipsa vinea perticas XXVII et in transverso IIII; terminat ex omni parte terra Sancti Petri. Quantum in ipsa vinea habeo, vendo ad integrum. S. Guntoldi, qui fieri jussit. S. Arberti. S. Sigisberti. S. Silvestri. S. Raimberti.