Charta qua Deodata cedit monasterio Cluniacensi res suas in villa Misiaco et in Monte Bosonango.
In nomine Verbi incarnati. Notum sit omnibus fidelibus christianis, quod ego, in Dei nomine, Deodata dono Deo et sanctis ejus apostolis Petro et Paulo unum curtilum in villa Misiaco et unum campum
in Monte Bosonango, talem partem qualem partem Bernardus, frater meus, habet, et quartam partem de uno prato quod vocatur in Prato Almari, et cursum in bosco qui vocatur Trembledo, pro remedio anime meę, ut Dominus liberare me dignetur de penis inferni. Si quis autem hanc donationem calumpniare presumpserit, iram Dei omnipotentis incurrat. Signum Deodatę, quę fieri et firmare rogavit. S. Bernardi, Aynardi, Bernardi de Visandoni, et fratrum ejus, nominibus Ugo et Jocerannus.