Charta qua Rostagnus dat monasterio Cluniacensi quatuor mansos in loco qui dicitur Maltaisana.
Conditor universitatis Dominus Jesus Christus, compatiens miseriis humane fragilitatis, precipit unicuique fidelium quatinus de bonis temporalibus valeant sibi adquirere perpetuum et felicissimum regnum; jubet namque ut ex his ab eo sibi collatis temporis presen
tis donent pauperibus, et faciant amicos qui eos recipere possint in mansionibus ęternis. Quapropter ego, in Dei nomine, Rostagnus, pro anime mee et animabus omnium parentum meorum remedio, dono Deo et sanctis ejus apostolis Petro et Paulo, ad locum de Cluniaco, ex rebus mee hereditatis, que est sita in pago Gratiopolitano, quattuor videlicet mansos in locum qui dicitur Maltaisana; quę terminat ex una parte Pontald, ex alia Aqua Bonna, de alia Rixon currente. Infra istas terminationes, dono supra denominatos mansos, ut ab hodierna die quicquid voluerint faciant.