Notum sit omnibus hominibus tam presentibus quam futuris, quod nos tres fratres, Vuicardus, Hugo, Gotserannus, faciamus donationem Sancto Petro de filiis Leterii, sive masculis, sive feminis, si aliqua rectitudinem in illis habemus; si autem injustam querimoniam, facimus vuirpitionem, et faciant ab hodierna die de illis, sive de possessionibus illorum, rectores loci Cluniensis, quod sibi melius visum fuerit, sine aliqua nostra contradictione, et hec donatio sive vuirpitio firma permaneat, et manibus propriis firmamus. S. Vuicardi, S. Hugonis, S. Gotseranni, qui donationem sive vuirpitionem istam fecerunt et publice firmaverunt.