Charta qua Petrus et uxor ejus Bernarda dant monasterio Cluniacensi tres mansos in Latgar et in alio loco.
Ego, in Dei nomine, Petrus et uxor mea Bernarda donamus Deo et Sancto Petro, pro remedio animarum nostrarum, unum mansum in quo stat nomine Demonz, et reddam in vestituram, quandiu vixero, II solidos. Item in alio loco duos mansos, qui vocatur Latgar, dono Sancto Petro similiter, ut in vita mea reddam in vestituram duos solidos, et hoc quandiu vixero teneam et possideam; et post discessum meum sint hec omnia pro remedio anime meę et omnium parentum meorum. S. Bernarde, uxoris meę. S. Stephani, S. Armanni, filiorum meorum.