Charta qua Ingelardus colonicam in villa Marciaco monasterio Cluniacensi dat.
Domino sacrosancto cenobio et ecclesię Sancti Petri Cluniacensi, quam domnus Aimardus abba ad regendum tenet. Ego Ingelardus cogitavi de Dei misericordia et ęterna retributione; et pro loco sepulturę dono ad ipsam ecclesiam jam dicta[m] vel ad rectores ipsius loci unam colonicam, quę est in Marciaco villa: hoc sunt campi, prata, quesitum et ad inquirendum, in ea ratione, dum vixero, usufructum habeam, et post meum discessum ad ipsam ęcclesiam perveniat, et auctores ipsius loci postea faciant quicquid voluerint, nullo contradicente. Si quis contradicere voluerit, auri libram componat, et hec donatio firma permaneat, cum stipulatione subnixa. Actum Cluniaco villa. S. Ingelardi, qui donationem istam fieri et firmari rogavit.