In nomine Dei æterni. Chuonradus, nutu omnipotentis Dei serenissimus rex. Notum sit omnibus fidelibus nostris, qualiter Dei famuli ex Cluniaco monasterio monachi proclamaverunt se in præsentiam nostram, in pago Viennense, quod Carolus, consanguineus noster, illorum res quas Ingelbertus per cartam donationis ad dictum locum tradidit, idem Carolus locum injuste contendebat. Ille autem ubi vidit et audivit non se hoc recte tenere, præsentialiter dimisit omnem querelam, et illico ipsas cartas quas Ingelbertus fecerat corroboravit, et iterum in manu regis firmavit. Et tunc jussit domnus rex hoc judicium scribere, per quod omni tempore dictæ cartæ inviolabiliter permaneant, et subtus fidelium nostrorum nomina jussimus inserere ac de sigillo nostro sigillare. Signum domini Chuonradi piissimi regis (Monogramme). Aimo episcopus præsens fuit. Vido archiepiscopus præsens fuit. Sobo archiepiscopus præsens fuit. Bero episcopus præsens fuit. Hugo comes præsens fuit. Odolricus comes palatii præsens fuit. Ainricus, filius Ludovici, præsens fuit. Anselmus comes præsens fuit. Odolricus comes, Anselmi frater, presens fuit. Æto comes præsens fuit. Leutoldus comes præsens fuit. Humbertus præsens fuit, ac omnes vassi dominici majores et minores qui præsentes fuere. Ego Henricus notarius hoc judicium scripsi, datavi V k. aprilis, anno VI regnante domno Chuonrado, piissimo rege.