CCE: cartae cluniacenses electronicae
Database of the Charters of the abbey of Cluny (802-1300)

BB 0634     View  [Back]
Charta qua Humbertus, levita atque præpositus Matisconensis ecclesiæ, quasdam res in villa Ibgiaco monasterio Cluniacensi dat.
Sacrosancte ecclesie Sancti Petri Cluniensis, quam domnus Aymardus abbas ad regendum abere videtur, ego Humbertus, levita atque prepositus, ob amore Dei et eterne retributionis, ut pius Dominus per intercessionem sancti Petri, principis apostolorum, animam patris mei Anscherii et animam matris meę Ingelais, seu et meam eripere dignetur de penis inferni, propterea pro ipso amore dono ad ipsam casam Dei aliquid ex rebus meis in pago Matisconense, in agro Ibgiacense, in villa ipsa Ipgiaco, a Cavaniaco vocat: hoc est curtilus cum vinea, qui terminat a mane terra Aquini et Ermengis, a media die rio labenti, a sero Ardoini, a cercio via publica. Infra isto terminio ad integrum. Similiter dono ibi alium curtilum cum vinea in ipsa villa, qui terminat a mane terra Sancti Mamertis, a medio die increpitum, a sero Ermingiso cum eredes, a cercio rio volvent. Infra isto terminio, de ipso curtilo tres partes ad integrum: quarta pars est Aquini. Et dono ibi servos his nominibus: Geraldum cum uxori sue et infantibus, Teutgerio cum uxori sue et infantibus, Gotrevoldo et uxori sue cum infantibus, et Fulcrado. Istas res cum istis mancipiis dono ad ipsius loci, et faciant actores ipsius ecclesie post hac die quicquid voluerint. Si quis vero donationem istam contradixerit, auri untias IIIIor componat; et inantea firma permaneat, cum stipulatione subnixa. Actum Matisco publice. Hubertus prepositus, qui donationem istam fieri et firmare rogavit. S. Maioli vicocomito. S. Leudegarii. S. Eurardi. S. alio Eurardi. S. Nardoini. S. Teodulfi. S. Girbaldi. S. Odeloni. S. Arnaldi. S. Teotelmi. S. Ramnoldi, qui consensit et firmavit. Data per manu Berardi, sub die jovis, VIII kal. junii, anno VII regni Hludovici regis.
(Au dos:) Huberti in Ipgiaco don.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung