Charta qua Arlebaldus et uxor ejus Alindrada curtilum et vineam in villa Segia monasterio Cluniacensi dant.
Sacrosanctę ęcclesię Sancti Petri Cluniensis, que est fundata in pago Matisconensę, in agro Rofiacense, quam domnus Aymardus abba ad regendum habere videtur. Ego Arlebaldus et uxor mea Alindrada cogitavimus casum humane fragilitatis, et ut pius et misericors Dominus animas nostras eripere dignetur a laqueo mortis, propterea donamus ad ipsam casam Dei aliquid ex rebus nostris, in pago Matisconense, in agro Ibgiacense, in villa Segia: hoc est curtilus indominicatus cum superpositis et vinea quę terminat a mane terra Sancti Vincenti, a media die Sancti Vincentii et Undradane, a sero Aremberto cum heredes, a cercio via publica. Infra isto terminio, ad integrum, et alias res ibidem aspicientibus, curtiferis cum ędificiis, vineis,
vircareis, campis, pratis, silvis, rivis, fontis, aquis aquarumque decursibus, omnia ex omnibus, quas in ipsam villam habemus, donamus ad ipsam casam Dei, et faciant rectores ejusdem æcclesię de ipsis rebus post hac die quicquit voluerint. Si quis vero donacionem istam contradixerit, auri libras II componat; et inantea donacio ista firma et stabilis permaneat, cum stipulacione subnixa. Actum. S. Arlebaldi. S. Alindradane, qui donacionem istam fieri et firmare rogaverunt. S. Raimundi, qui consensit. S. Hildibaldi. S. Aygulfi. S. Alberici. S. Ramnulfi. S. Rotardi. Data per manum Berardi, sub die sabbati, II idus octobris, anno VI regni Hludovici regis.