Deo et sacrate ecclesię in honore beatorum apostolorum Petri et Pauli constructę, ubi donnus Aimardus abbas preesse videtur, ego, in Dei nomine, Archenbaldus, consentie[n]te Geruno pro filio meo Arnulfo, dono de rebus meis que sunt in pago Matisconensi, in agro Biliacensi, in ipsa villa Runiaco. In primis unum dono curtilum qui ita terminatur: a mane ipsa hereditate nostra, a meridie terra Ungerii, a sero via publica, a circio similiter. Sed pratum dono terminatum a mane via publica et terra Ungerii, a meridie et a sero terra Brandoeri, a circio via publica. Et in alio loco curtilum cum vinea infra hos fines: a mane terra Arlebaldi et Ungerii, a meridie et a circio via publica, a sero terra Ungerii et nostra. Sed et alias res Deo offero quas in ipsa [villa] Biliaco habeo, scilicet curtilos, vineas, vercarias, campos, prata, viarum exitus et regressus, sicut ad integrum hec ex paterno et materno jure sortitus sum. Dono et aliam vineam in Biliaco, quam de Amalgerio et uxore sua et de Christiano et uxore sua conquisivi, et campum ipsi vineę proximum, quem Annone adquisivi, qui contiguus vineę terminat a mane et a sero terra Sancti Vincentii, a meridie terra Berengarii et Lanfredi, a circio terra Beraldi. Do et aliam vineam quam de Aimone adquisivi, quę terminatur a mane terra Sancti Vincentii, a meridie et a sero terra Lanfredi, a circio terra Berengarii. Do et aliam vineam quam de Arlebaldo adquisivi, quę terminatur a mane et a meridie terra Bernardi, a sero terra Sancti Martini, a circio terra Alierii et Richardi. Infra istas terminationes, res denominatas totum ad integrum dono et sancto Cluniacensi cenobio. Quod si forte ego, aut ullus homo, aut aliqua subintroducta persona, donationem istam calumpniare temptaverit et a me defensata non fuerit, ego reus ero; invasor autem, quisquis ille fuerit, fisco addictus auream unciam componat, et ipsa presens donatio mea omni tempore firma permaneat, cum stipulatione subnixa. S. Archenbaldi, qui hanc donationem fecit et firmari rogavit. S. Genuni et Benedicti, qui eam confirmaverunt. S. Heredi, Maioli, Cavalerii, Vuicardi, Vuidonis, Vuadalfredi, Alierii. Vuarlnoldo jubente, ego Berardus scripsi, datavi die dominico, IIII nonas julii, anno XII regnante Ludovico rege.