CCE: cartae cluniacenses electronicae
Database of the Charters of the abbey of Cluny (802-1300)

BB 0727     View  [Back]
Charta qua Bodo duos curtilos in villis Albiniaco et Marchisolio, pro sepultura uxoris suæ Teotanæ, monasterio Cluniacensi dat.
Domno sacrosancto monasterio de Cluniaco in honore sancti Petri constructo, ego Bodo, pro amore Dei et bona voluntate, in locum sepulture pro uxore mea Teotana quondam, dono ad ipsam casam Dei res meas in pago Matisconense, in fine Griviliacense, in villa Albiniaco, curtilum cum vineis, et campis, et pratis, et silvis, res meas perinquisitas, portionem meam ad integrum. Dono ad ipsam casam Dei similiter in ipso pago et in agro Fargias, in villa Marchisolio, curtilum cum vineis, et campis, et pratis, et silvis, sicut de Sigualdo conquisivi, ad integrum dono ad ipsam casam Dei, in locum sepulturę mee, ut post meum discensum faciant rectores Sancti Petri quicquid facere voluerint in omnibus. Si quis vero, si ego, aut ullus homo, vel de heredibus meis, aut ulla intromissa vel opposita persona, qui contra donationem istam venire temptare presumpserit, de auro libras IIII componat. Actum Cluniaco villa, in atrio Sancti Petri. S. Bodoni, qui donationem istam fieri et firmari rogavit. S. Ainardi. S. Vualterii vicecomitis. S. Ramnaldi. S. Jostheranni. S. Livonis. S. Ivonis. S. Teotoni. S. Manerii. S. Folcaldi. S. Gonterii. S. Lanterii. S. Ragenardi. Ego Deodatus rogatus scripsi, datavi die sabbati, in mense septembri, anno XIII regnante Ludovico rege.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung