Sacrosanctę ecclesię Sancti Petri Cluniensis, qua domnus Emardus abbas ad regendum habere videtur, ego Vuicheramnus et uxor mea Gertrudis, pro Dei amore et Sancti Petri et ęternam retributionem, donamus ad ipsam casam Dei aliquit ex rebus nostris in pago Cabilonense, in villa que vocatur Mundarnoni: hoc est curtilus et vinea et quicquit ibi aspicit, quantum ibi visi sumus habere, quesitum et inquirendum ibidem pertinendo, cum servo supramanente, nomine Girboldo, cum uxore et infantibus illorum, ad integrum ibi donamus, in stipendia fratrum, eo tenore, dum ego Vuicheramnus advixero, usum et fructum habeam; post meum decessum, ad ipsam casam Dei perveniant et faciant rectores ejusdem ęcclesię in servitio Dei et Sancti Petri quicquit voluerint, preter tantum unum curtilum quod ad filiorum meum, filium Rotlanni, donavi. Si quis vero donationem istam contradixerit, auri libram componat, et inantea firma permaneat, cum stipulacione subnixa. Actum Matisconum publice. S. Vuicheramni, S. Gertrudis, qui fieri et firmare rogaverunt. S. Rotlanni. S. Eldeverti. S. Mangodi. S. Heynrico. S. Girberti. S. Artoldi. S. Walterii vicecomitis. Data per manum Berardi, sub die veneris, VI idus jun., anno XII regni Hludovici regis.