Placuit atque convenit inter donnum Hemardum abbatem cunctisque fratribus Cluniensis cenobii, et Martinum et uxore sua Susanna, ut de rebus suis inter se commutare deberent. Dedit donnus Hemardus [partibus Martini] et uxoris sue mansum cum vinea, qui terminat a mane vinea Gondranni, a meridie via publica, a vespera terra Aquini, ex alia parte terra Sancti Mammeti; et unum campum in Calmonte; terminat a mane terra Sanctę Marię, a meridie terra Sancti Martini, a vespera via publica, ab alia parte terra Sancti Baudelii; est sita in pago Matisconense, in villa Vertiaco. Econtra dedit Martinus et uxor sua Susanna, in ipso pago, in villa Lornant, mansum cum vinea, qui terminat a mane et ab uno latere via publica, a meridie terra Sancti Petri, a vespera roca; et alias res, quantum in ipsa villa visi sunt habere, hoc sunt curtilia, vineę, campis, pratis, silvis, aquis, aquarum decursibus, quesitum et ad inquirendum, omnia vobis tradimus, et faciat unusquisque de suo quicquid facere voluerit. Si quis vero, si nos, aut ulla persona, hanc cartam contradicere voluerit, non vindicet quod repetit, sed cui litem intulerit auri libras II componat, et hec carta firma et stabilis permaneat, cum stipulatione sunixa. {corr: subnixa} Actum Cluniaco villa. S. Martini et uxoris sue Susannę, qui fieri et firmare rogaverunt. S. Aldebranni et uxoris suę Aglelt, qui consenserunt. S. Rainaldi. S. Achini. S. Anscherii. S. Teudini. S. Anni. S. Teuduni. S. Roberti. Datavi IIII feria mensis januarii, anno XIIII regnante Ludoico rege.