CCE: cartae cluniacenses electronicae
Database of the Charters of the abbey of Cluny (802-1300)

BB 0768     View  [Back]
Charta qua Leotaldus comes ecclesiam sancti Sulpitii in villa Laliaco cum appenditiis monasterio Cluniacensi dat.
Sacrosancte ecclesie Sancti Petri et Sancti Pauli Cluniensis, qua domnus Emardus abbas ad regendum habere videtur, ego Leotaldus comes, pro Dei amore et eternam retributionem, dono ad ipsam casam aliquantulum ex rebus meis in pago Matisconense, in agro Laliacense, in ipsa villa; haoc (sic) est ecclesia in ohnore {corr: honore} beati Sulpicii, confessoris Christi, et alias res ibidem pertinentibus: in Lasiaco mansos II, in Madornaco mansi VII, et quicquid ibi habeo, et in Setmulinis mansum unum, a Sancto Mauritio mansum I. Ipsas res et quantum ibi aspicit, quesitum et inquirendum, ad ipsam casam Dei dono, cum servientibus supermanentibus Jarerio, Teulan, Lanterio, Geraldo, Christoforo, Ricardo, Leutberto, Costabili, Teutlagio, Aldoni, Ingelbergani, Dominicane, Eldoeldis. Ipsas res et ipsis mancipiis dono ad ipsam casam Dei, et fatiant rectores ejusdem ecclesię quicquid facere voluerint in Dei servitio. Si quis vero donationem istam contradixerit, auri libram componat, et firma permaneat. Actum Matisconum publice. S. Leotaldi comitis, qui fieri et firmare rogavit. S. Walterii. S. Gausberti. S. Rodberti. S. Raterii. S. Wichardi. S. Ugoni. S. Teudulfi. S. Manegoldi. S. Teutperti. S. alius Teuperti. Data per manu Berardi, sub die sabbati, XV kalendas junii, anno XIII regnante Ludovico rege, qui de eadem donatione preceptum jussit fieri, et sigillo suo insigniri.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung