Placuit atque convenit inter Teduinum et ex alia parte donnum Aimardum abbatem, qui locum Cluniacensem ad regendum tenet, quod ego Teduinus et uxor mea Gunteldis donamus scamiale vineam que est sita in pago Cabilonense, in fine Cusalica, in villa Maiotico; que terminat de uno latere Alberici, in alio latere Dominici, in una fronte Sancti Petri, in alia fronte subteriori via publica. Infra istas terminationes, totum ad integrum, in ea ratione, in loco scamiale dehinc teneant et faciant rectores Sancti Petri quicquid facere voluerint. Si quis, si nos ipsi, aut ullus homo, qui calumpniare presumpserit, de auro unciam unam componat, et presens scamium inter nos factum firmum et stabile permaneat, cum stipulatione subnixa. Actum Maiotico villa publice. S. Teduini et uxoris sue, qui fieri et firmari rogaverunt. S. Aimaldi, item Aimaldi. S. Alberici. S. Ermenberti. S. Actuini. Ego Desiderius rogatus scripsi, datavi IIII feria, in mense madio, anno XIIII regnante Ludoico rege.