Sacrosancto et exorabili loco Cluniacensi in honorem Dei beatorumque apostolorum Petri et Pauli consecrato, in pago Matisconensi sito, cui preest domnus Emardus venerandus abba. Ego Rainulfus et frater meus Aiulfus, et Odo, cogitamus de Dei misericordia, propter quod cedimus aliquid de rebus nostris, ut pius Dominus animas nostras vel parentum nostrorum de pęnis inferni eripere dignetur, hoc est capellam quę est constructa in honore sancti Germani, et alias quę ad ipsam capellam aspiciunt, hoc est in vineis, campis, pratis. Istas res denominatas totum ad integrum ad ipsam casam Dei donavimus. Et donamus alium campum, qui terminat in girum terram Sancti Petri, ea ratione ut, dum nos vixerimus, usum et fructum habeamus, et per annos singulos denarios VI in censu persolvamus; et si Aiulfus legalem filium habuerit, in ea ratione permaneat. Donamus etiam vineam unam quę in Monte vocatur; et terminat de uno latere terram Sancti Petri, de alio latere viam publicam, de subteriori terra Rotru, de superiori terra Tiza. Infra istas terminationes, totum et integrum similiter donamus, ut post nostrum discessum quicquid voluerint habitatores Sancti Petri faciant. Hęc donatio omni tempore firma et stabilis permaneat, cum stipulatione subnixa. Actum Cluniaci villa publice. S. Rainulfi, Aiulfi, Odonis, qui donationem istam fieri et firmare rogaverunt. S. Tetberti, Otberti, Igetii, Letboldi, Dodonis, Berulfi, Johannis, Grimoldi, Eurardi, Warnerii. Data per manum Helię levitę, vicecancellarii, die sabbati, kal. junii, anno XIII regis Ludowici.