Divina pietate sanccitum est ut ex rebus transitoriis eternam possimus adipisci patriam. Quapropter nos manumissores Landrici, Bernardus, pater, et Letuidis, mater ejus, et Odila, amita ejus, donamus aliquid ex rebus juris nostri Deo et Sanctę Marię, et beatis apostolis ejus Petro videlicet et Paulo, et venerabili loco Cluniaco, curtilum cum supraposito et vinea, qui terminat et a sero vię publicę, a medio die terrę Sanctę Marię et vineę Sancti Vincencii, a cercio vineę Sancti Petri et prato Bernardi. Has res denominatas donamus Deo et jam dictis apostolis ejus pro anima Landrici, filii nostri, et anima patris et matris, fratrumque nostrorum et omnium propinquorum, seu omnium fidelium christianorum. Sunt autem ipsę res sitę in pago Matisconense, in villa Sasciaco. Si quis hanc donationem calunniare presumpserit, vel litem inferre temptaverit, a consortio omnium fidelium christianorum extraneus habeatur, et, nisi res[i]puerit, predictos apostolos habeat contradictores regni celestis; secundum vero mundialem legem, his quibus calumniam intulerit auri libras V, cogente judiciaria potestate, exsolvat. Hęc vero carta donationis a nobis libenti animo facta et corroborata semper stabilis et inconcussa permaneat, cum stipulatione subnixa. S. Maingaldi. S. Teutbaldi. S. Emardi. S. Gundulfi. S. Bernoardi. S. Sivualdi. S. Ansaldi. S. Bernardi. Datum VIII idus novembris. Ego Rodulfus levita, ad vicem cancellarii, scripsi et subscripsi, anno XV regnante Ludovico rege, indictione X. Actum publice in cœnobio Cluniaco.