Dum in hujus seculi vivitur laboriosa peregrinatione, nemo potest carere peccatis. Quapropter sancitum antiquitus lege tenetur, ut, ex rebus transitoriis, ęternam sibi adipiscere studeant beatitudinem. Quamobrem ego Deotadus id agere festinans, dono Deo et sanctis apostolis ejus, Petro videlicet et Paulo, et monachis Cluniacensibus, ex rebus mei juris, que jure hereditario michi obvenerunt, ut faciant a presenti die et deinceps in omnibus quicquid eis visum fuerit, hoc est vinea quę terminat a mane vinea Sancti Petri, a medio die et a circio de ipsa hereditate, a sero via publica et terra Gauceranni. Est autem ipsa vinea sita in pago Cabilonensi, in fine Causalica, in villa Colonicas. Infra istas terminationes, totum ex integro eorum potestati concedo, ut habeant in omnibus facultatem possidendi, dandi seu commutandi vel faciendi quicquid eis libuerit animo. Si quis autem calumpniam inferre temptaverit, ad hoc non prevaleat, sed a liminibus sanctorum extraneus habeatur, et insuper, cogente judicaria censura, unam auri libram coactus exsolvat; hec autem donatio a nobis facta firma et stabilis permaneat, cum stipulatione subnixa. S. Deotadi, qui hanc donationis cartam fieri et firmari rogavit. S. Vuilinchi, filii ipsius, qui in omnibus consensit. S. Gaucelmi sacerdotis. S. Desiderii presbiteri. S. Azonis. S. Gisleberti. S. Gauzaldi. S. iterum Gauzaldi. S. Aremberti. S. Albranni. Rodulfus, ad vicem cancellarii, rogatus scripsit, anno primo regnante Lotthario rege.