Ego igitur Achardus et uxor mea Adalsendis donamus Deo et Sancto Petro Cluniensis monasterii, ubi donnus Maiolus, abbas, preesse videtur, aliquid ex rebus nostris, quę sunt sitę in pago Matisconense, in agro Megoniacense, in villa Moinno, hoc est unam vineam cum supraposito, quę terminatur a mane et a sero terra Sancti Nazarii, a medio die terra Sancti Martini, a cirtio terra Narduini. Infra istas terminationes, totum cum omni integritate donamus, eo tenore, ut quandiu vixerimus usum et fructum habeamus, et in vestitura omni anno, tempore vindemiarum, VI sestarios de musto persolvemus; post nostrum quoque discessum, ad Sanctum Petrum perveniat. Qui autem calumpniaverit, auri uncias persolvat XII, et postea firma et stabilis permaneat, stipulatione subnixa. S. Achardi et uxoris ejus Adalsendis, qui donaverunt et ipsi firmaverunt. S. Rainoldi. S. Mercurini. S. Wandalgodis. S. Ainardi. S. Teoeni. S. Abonis. Albertus scripsit V kalendas martii, tempore Lotharii regis.