Commutatio terrarum in villa Besorniaco inter monachos Cluniacenses, ex una parte, et Ingelfredum Ildiardemque ex altera.
Scamium fecerunt monachi Clunienses cum Ingelfredo et Ildiarde. In primis donat Ingelfredus, in villa Besorniaco, campum qui habet in longum perticas XLII, in latum XVIII pedes. Econtra donant monachi ipsis alium campum in ipsa villa, qui habet in longum et in latum quantum tenet; et faciant utrique quod voluerint. S. Ingelfredi. S. Walterii. S. Ansigerii. S. Clementis. S. Landrici. Et in alio loco perticas II. Balduinus scripsit feria II, mense januario. Amen.