Charta permutationis terrarum in villis Buziaco et Soliniaco, inter monachos Cluniacenses et Alindradam.
In nomine Verbi incarnati. Scamium fecerunt Vivianus prior et monachi Clunienses cum Alindrada femina, in villa Buziaco. In primis donat Alindrada monachis mansum unum in dominicatu, in ipsa villa, cum omnibus apenditiis suis, campis videlicet, pratis, vineis, silvis, aquis aquarumque decursibus, quesitum et ad inquirendum, totum ad integrum. Econtra donant monachi Alindrade curtilum unum in villa Soliniaco, et quantum abent in ipso curtilo; terminat de tribus partibus via publica, de quarta parte terra Sancti Petri; et faciant unusquisque quicquid facere voluerint. S. Alindrade. S. Leotaldi. S. Gotefredi. S. Berardi. S. Mainardi. S. Anscheri. S. Gontardi.
(Au dos:) Scamnum Alindrade in Buziaco.