Creator et gubernator omnium dat consilium qualiter per fructus elemosinarum possimus adipisci cęlestis regni aditum. Iccirco {corr: Idcirco} ego Alpadis, diem obitus mei prope esse non ignorans, consentientibus filiis meis, dono, pro remedio animę meę, sanctis apostolis Petro et Paulo et ad locum Cluniacum, quandam terram quę est posita in villa Mirifiriaco, et ipsam terram vocant Quarterenchi, cum pratis, silvis, aquis, aquarumve decursibus, totum acquisitum et inquirendum. Ut autem hęc carta firma et stabilis permaneat, manu propria firmavi, testibusque tradidi roborandam. S. Alpadis, quę hanc cartam fecit et firmare rogavit. S. Esmonis et Ardradi et Gausmari et Truanni ac filiorum ejus. S. Gausfredi de la Rocca et Humberti de Balberiaco et Allonis et uxoris ejus Ave et filiorum ejus Letaldi et Hugonis, qui hanc cartam et predictam terram querelabant.