Charta qua Ermenardus et uxor ejus Leocadia et cæteri, notum faciunt se curtilum in villa Escozolas monasterio Cluniacensi vendidisse.
Ne percurrentibus annis traderentur oblivioni quę nostris temporibus gesta sunt, adnotare curavimus litteris. Notum sit igitur cunctis sanctę ęcclesię filiis, presentibus scilicet atque futuris, quod nos Ermenardus videlicet cum uxore sua Leocadia, et Ermenbertus cum conjuge sua Dominica, et Ainus cum sua Lantrudis, et Dominicus atque Bernardus, vendimus monachis Sancti Petri Cluniacensis cenobii aliquid de rebus nostris in villa Escozolas constitutis: hoc est curtilum cum omnibus appenditiis, campis scilicet, pratis, silvis, aquis aquarumque decursibus, pro III solidis damus. S. Ermenardi et Ermenberti et Aini et Dominici et Bernardi, qui venditionem fecerunt et firmare rogaverunt.