Notitia werpitionis terrarum in villa Curtilis monasterio Cluniacensi a Letaldo et uxore ejus Mesembria factæ.
In nomine Verbi incarnati. Notum sit cunctis christianis, tam presentibus quam futuris, quod ego Letaldus verpitionem sive donationem facio Domino Deo et sanctis apostolis ejus Petro et Paulo et monachis Cluniensibus, de querela unius mansi in villa Curtilis, quem
Amandus et Ildinus et Wlgerius, filius ejus, tenebant. Illum scilicet mansum ab omni querela et servicio liberum Deo et supradictis apostolis cum omni integritate reddo, ego Letaldus et uxor mea Mesembria. Facimus etiam verpitionem querelę quam habeo in terra Vuinebaldi. In villa etiam Curtilis donamus unum campum quem vocant ad Nocherium Fatuum; et terminatur a cirtio terra Sancti Petri, a medio die senterio publico, a sero et a mane cutta currente. S. Letaldi et uxoris ejus Mesembrię, qui hanc verpitionem et donationem fecerunt. S. Aslanni. S. Girardi. S. Fulcradi. S. Petri.