Divina pietate legumque auctoritate sancitum est ut de terrenis rebus celestia adquirere debeamus. Quapropter ego Constancius dono Deo et sanctis apostolis ejus Petro et Paulo, ad locum Cluniacum, ubi dunnus Maiolus abba preesse videtur, aliquid de rebus meis quę sunt sitę in pago Lugdunensi, in agro Casniacense, in villa Corteromanisca, hoc est unum curtile, cum vinea et cum campo simul tenente; et terminatur a mane via publica, a medio die terra Sancti Stephani, a sero Live qui per estum siccat, a cirtio via publica. Et dono in ipsa villa unum campum modiada I; et terminatur a mane terra Sancti Eugendi, a medio die et a sero via publica, a cirtio silva de ipsa hereditate. Et dono unum pratum terminatum a tribus partibus terra Sancti Eugendi, a cirtio Ademari. Infra istas terminationes, totum ad integrum dono atque transfundo, et faciant predicti loci monachi quicquid voluerint. Qui autem contradicere voluerit, auri libras III persolvat, et postea firma et stabilis permaneat, stipulatione subnixa. S. Constancii, qui donavit et ipse firmavit. S. Racheldis. S. Arbaldi. S. Petri. S. Johannis, levitę. S. Ademari. S. Eurardi. S. Johannis. S. Constantini.