Notitia commutationis pratorum in villa Dunziaco inter monachos Cluniacenses et Rainfredum.
Scamium fecerunt monachi Clunienses cum quodam viro, nomine Rainfredo. In primis donat supradictus vir monachis in Dunziaco, in agro Cortboso vocant, unum pratum quod habet in longo perticas XXIIII et in lato V. Econtra donant monachi ipso viro aliud pratum in ipsa villa et in ipso agro, quod habet in longum perticas XIII, et in latum IIII, et augent ei denarios XVI; et faciat unusquisque de suo quod [voluerit]. Actum Maxiliaco villa publice. S. Rainfredi, qui fieri rogavit. S. Achardi.