In nomine sanctę et individuę Trinitatis. Notum sit fidelibus cunctis quod ego Teinius dono ad locum in honore beati Leodegarii dicatum, unum campum situm in pago Matisconensi, in agro Galoniacense, in Calmiriaco vocatur; et terminatur a mane de ipsa hereditate, a medio die terra Sancti Petri, a sero via publica, a cirtio similiter. Infra istas terminationes, partem meam Sancto Leodegario totum ad integrum dono, pro amore Dei et bona voluntate, eo tenore, dum vixero teneam et possideam, et singulis annis res ipsius campi ad ipsius sancti locum reddeant; post meum vero discessum, totum ad integrum perveniat. Qui autem calumpniare voluerit, auri libram persolvat et post hęc firma permaneat. Actum Castello villa publice. S. Teini et uxoris ejus Aremtrudis, qui fieri et firmare rogaverunt. S. Laidradi. S. Arnulfi. S. Aimonis. S. Epponis. S. Dominici. S. Gauselmi. S. Goobaldi. Data per manum Johannis presbiteri, III nonas julii, tempore Lotharii regis.