Charta qua Girfredus levita medietatem ecclesiæ in villa Canloco et alias res monasterio Cluniacensi dat.
Dominus ac salvator noster per evangelium suum nos docuit, dicens: «Date helemosinam et ecce omnia munda sunt vobis.» Idcirco
ego Girfredus, levita, dono ad locum Cluniacum aliquid de rebus meis que sunt site in pago Cabilonense, in villa Canloco, in agro Fabriacensi, hoc est medietatem ecclesie que est in ipsa villa, cum omnibus suis appenditiis, campis, vineis, pratis, silvis, viridariis, aquis aquarumque decursibus, cultum et incultum, quesitum et inquirendum. Dono et mansum unum in eadem villa et servos his nominibus: Leotardum et Durannum, et unum molendinum in ipsa villa; terminat mansus a mane terra Hildeburgis, a medio die via publica, a sero terra Girmundi et heredum ejus, a cercio de ipsa hereditate. Dono et campum in ipsa villa, qui terminat a mane terra Sancti Leodegarii, a medio die et a sero via publica, a cercio terra Hymberti. Hec omnia dono ad locum Cluniacum, ut quamdiu vixero teneam et possideam ego Girfredus; et post meum discessum de una medietate Girmundus et Gauserannus abeant usum et fructum, et post illorum obitum ad Cluniacum perveniat. S. Girfredi, qui fieri et firmare rogavit. S. Bernardi. S. Gauseranni. S. Girmundi. S. Evrardi. S. Stephani. S. Gausberti. S. Rotberti. Actum Cluniaci, mense septembri, regnante Lothario rege. Aldebaldus, ad vicem cancellarii, recognovit.
(Au dos:) Girfredi in Canloco.