CCE: cartae cluniacenses electronicae
Database of the Charters of the abbey of Cluny (802-1300)

BB 0993     View  [Back]
Charta qua Letaldus et uxor ejus Rotlindis dant monasterio Cluniacensi mansos in villis Clericorum et Vernolio.
Omnipotentis Dei propitiante clementi bonitate, lege antiquitus tenetur ut ex rebus perituris et deciduis premium sibi ęternę beatitudinis acquirant indeficiens. Iccirco {corr: Idcirco} ego Letaldus et uxor mea Rotlindis, recogitantes diem tremendi examinis pertimescendo, donamus Deo et sanctis apostolis ejus Petro videlicet et Paulo, monachis etiam Cluniacensibus sub ipsorum patrocinio et tuitione Deo militantibus, mansum indominicatum in villa vocabulo Clericorum, in comitatu Augustidunense situm, cum universis rebus et pertinentiis suis, cum servo, nomine Martino et uxore sua Benigna, etiam et molendinum cum campis, silvis, aquis aquarumque decursibus, vircareis, quęsitum et ad inquirendum. Similiter quoque et [in] alia villa, cui est vocabulum Vernolio, tribuimus Cluniaco monasterio curtilum indominicatum, qui adjacet in ipso supramemorato comitatu, qui terminat de duabus partibus via publica, de tercio fronte pratum, in quarto latere fons manat. Hęc omnia pro remedio animarum nostrarum et omnium parentum nostrorum, sive fidelium omnium christianorum, eo tenore sub conscriptione testamenti Deo et sanctis apostolis ejus et monachis ejusdem loci damus, ut dum vivimus usufructuario possideamus, omnibus annis in censu persolvendo in festivitate beati Petri VI denarios. Hęc autem donatio a nobis libentissime facta stabilis et inconvulsa permaneat, stipulatione adnexa. Si quis vero ad hęc aliquam inferre temptaverit calumpniam, deleatur memoria ejus et nomen ejus de terra viventium; insuper quoque extraneus habeatur a liminibus sanctorum omnium, cogente una judiciali potestate pro hoc facto, cui litem intulerit auri libram coactus exsolvat, et deinceps non sibi valeat vindicare illud, sed omnimodis, ut supradictum est, corroborata et stabilis perseveret. Actum Cluniaco monasterio. S. Letaldi et uxoris ejusdem, nomine Rotlindis, qui hanc donationem fieri et firmare rogaverunt. S. Fulconis levitę. S. Geraldi. S. Gerardi. S. Constantini. S. Landaldi. S. Tetardi. S. Ebrardi. Data in mense aprili, mensis ejusdem tercie ebdomadis, apud Cluniacum monasterium, a Rodulfo levita, anno Dominicę incarnationis DCCCCmo LVI, indictione XIII, anno autem imperii Lotharii regis, filii Ludovici regis, secundo. Fiunt autem nunc usque anni ab origine mundi, quatuor milia DCCCCti VIIII.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung