In Christi nomine. Ego Ato dono Deo et sanctis apostolis ejus Petro et Paulo et monachis Cluniacensibus, pro remedio animę meę et omnium parentum meorum vel omnium fidelium defunctorum, res meas quę sunt sitę in pago Augustidunensę, in agro Marcilliacensę, hoc est curtilum indominicatum, cum omnibus pertinentiis suis, in villa Terciaco, ubi Adalbertus manet. Ea ratione tamen dono ut dum vivo, usufructuario teneam et possideam, omnibus annis solvendo quatuor denarios in censu. Post meum discessum, cum omnibus rebus et pertinentiis suis res supra denominatę revertantur ad jam dictum locum sine alicujus contradictione. Si quis autem huic donationis calumniaverit aut contradixerit, a liminibus sanctorum omnium habeatur extraneus, cogente autem juditiali censura, quinque auri libras coactus exsolvat, et post hęc non liceat sibi vindicare quod repetit; hęc autem donatio a me libentissime facta stabilis et inconvulsa permaneat, cum stipulatione subnixa. Actum Cluniaco monasterio. S. Atonis, qui hanc donationis cartam fieri et firmare rogavit. S. Heldini, fratris ejusdem. S. Franconis, et Rainulfi levitę, et Emardi et Petri et Waldrici et Leuzonis, Geraldi et Gerardi. Data mense aprili, feria V tertię ebdomadis ejusdem. Rodulfus, levita, ad vicem cancellariorum, rogatus scripsit, anno secundo in[ci]piente ex quo regnare cepit Lotharius, filius Ludovici regis.