CCE: cartae cluniacenses electronicae
Database of the Charters of the abbey of Cluny (802-1300)

BB 0997     View  [Back]
Charta qua Tetardus res suas in agro Rofiaco monasterio Cluniacensi dat.
Divina propitiante clementia, antiquitus constitutum tenetur, ut ex rebus perituris æterna sibi premia adipisci valeant. Quamobrem ego Tetardus dono Deo et sanctis apostolis ejus Petro et Paulo et monachis Cluniacensibus, res meas que sunt sitæ in comitatu Matisconense, in agro Rofiaco: hoc est curtilum cum manso et vinea insimul tenente, totum ad integrum et alias res que ad ipsum curtilum aspiciunt vel aspicere videntur, curtiferis, campis, pratis, silvis, pascuis, exitibus et regressibus. Est et alius curtilus quem adquisivi de Domesia et Heldearde; terminat ipse curtilus a mane via publica, a medio die terra Bernoardi, a sero et a cercio terra Dominici. Infra istas terminationes, ipsum curtilum ad integrum et alias res quę ad ipsum curtilum aspiciunt vel aspicere videntur, vineis, campis, silvis, aquis aquarumque decursibus, totum ad integrum in vestra potestate dimitto a presenti die, ut faciatis quicquid volueritis. Actum in Lordono castro. Si quis vero hanc donationem calumpniare presumpserit, non vindicet quod repetit, sed cogente juditiali censura, auri libras duas componat. S. Tetardi, qui hanc donationis cartam fieri et firmare rogavit. S. Ugonis. S. Gauzberti. S. Heldrici. S. Odolgerii. S. Azolini. S. Rothardi. S. Letberti. S. Sigualdi. S. Dominici. Data in mense aprili, anno secundo imperii Lotharii regis.
[Back]

E-Mail an das Projekt "Cluny" im Institut für Frühmittelalterforschung

 

KONTAKT


Institut für Frühmittelalterforschung
Domplatz 20-22
48143 Münster
Tel: +49 251 83 27921
Email: fruehmittelalter@uni-muenster.de

Impressum   Datenschutzhinweis

© 2010 Institut für Frühmittelalterforschung